Este curso 2024-25  traballaremos arredor das EMOCIÓNS e da AFECTIVIDADE .
Descubrir, identificar e diferenciar as emocións a través deste Proxecto é unha forma de educar os máis pequenos para que sintan sen temor, para que se descubran a si mesmos e paea que acaben por se converter en adultos autocoscientes con habilidade
sensitiva para afrontaren os retos da vida.

O plan lector é un obxectivo común en todas as áreas do currículo e etapas educativas.Seguindo co plan anual de lectura e o proxecto lector de centro que iniciamos en cursos anteriores para garantir ó alumnado unha axeitada capacitación nas competencias básicas

O proxecto bilingüe de Arts & Crafts en  Educación Primaria está deseñado para espertar nos nenos o gusto por entender e apreciar a arte, e anima os nenos a poñer en práctica a súa creatividade facendo actividades e traballos.
A estrutura do programa, baseada na LOMCE, garante o progreso constante tanto na aprendizaxe do inglés como no desenvolvemento das destrezas.

RONSEL DE SEU é o nome que recibe este proxecto escolar que xa leva con nós algúns anos. O teatro como disciplina importante na educación do noso alumnado, ocupa un espazo e un tempo concreto nas nosas vidas escolares, sendo motivo de interés pola rapazada e polo profesorado, sendo unha ferramenta que favorece unha ensinanaza curricular integral.

Preme en Teatro-Escola para saber máis!

Dentro das celebracións escolares, hai un moi especial polo trascendencia que ten na nosa cultura: música, poesía, teatro……arte en xeral. Falamos de Rosalía de Castro, unha figura arredor da cal aprendemos , levando a cabo proxectos de diferente índole.

Neste enlace, ROSALÍATE, poderás atopar un resumo dalgunhas das actividades que levamos a cabo ao longo dos diferentes cursos escolares.