- O noso centro é un colexio concertado que imparte educación infantil, educación primaria e educación secundaria gratuíta, con ideoloxía propia que favorece os propios valores persoais e sociais fomentando unha convivencia democrática e de responsabilidade social.
2.Promomovemos a liberdade persoal desde o exercicio da aceptación e o dominio dun mesmo en apertura aos demais, tendo como referente o cumprimento dun traballo ben feito, que favoreza autoestima e a seguridade da persoa. A nosa acción educativa potencia a autonomía e as habilidades sociais así como os aspectos da racionalidade relacionados coa reflexión e a busca da verdade.
3.Dámolle un pulo moi importante ao desenvolvemento no noso alumnado do xuízo crítico para apreciar as consecuencias das condutas persoais e o aprezo e discernimento de valores.
4.Recoñecemos a vontade como medio esencial do progreso persoal., potenciando a reflexión como medio para favorecer a súa personalidade , asi como estimular a relación interpersonal entre o alumnado e os docentes sempre nun ambiente de respecto e empatía, sendo coñecedores dos deberes e obrigas de cada un deles.
5-Favorecemos a adquisición dunha madurez persoal, desenvolvendo das capacidades intelectuais, afectivas e sociais que lle permitan aprender ao longo da vida de forma autónoma.
6-Potenciar as aprendizaxes significativas, baseadas primordialmente nunha memorización comprensiva e non meramente repetitiva ou mecánica. Ensinar a utilizar os coñecementos e destrezas adquiridos para afrontar os problemas da súa experiencia diaria. Fomentar a asimilación sistemática e crítica da cultura entendida como patrimonio de coñecementos, valores, costumes, crenzas e formas de vida.
7- Coidamos da ensinanza de cada materia, poñendo maior énfase nos aspectos instrumentais e buscando o rigor científico para fomentar a capacidade de observación e crítica e a adquisición de hábitos de traballo intelectual. Seleccionar as técnicas máis axeitadas para favorecer a motivación e a actividade.
8-Personalizamos as aprendizaxes de forma que se favoreza a aprendizaxe de todos e cada un dos alumnos, organizando diferentes tipos de agrupamentos, espazos e tempos.
9.Impulsamos a acción titorial, individual e grupal, como instrumento para levar a cabo a orientación educativa e profesional necesaria e axeitada para cada un dos nosos alumnos e alumnas.